«Вечер любви» күңел ачу программасы

Кешене гомер буе зур һәм кечкенә, кыргый һәм йорт кошлары чолгап ала. Алар безне үзләренең җырлары белән сөендерәләр, бакчаларны, яшелчә бакчаларын саклыйлар, зарарлы бөҗәкләрне юк итәләр. Әмма кошлар да кеше ярдәменә мохтаҗ, бигрәк тә кышкы вакытта, аларга азык җитмәгәндә. 5 апрель көнне Чабья-Чурчи авыл клубында "Безнең канатлы дуслар"дигән танып- белү сәгате узды. Чара барышында балалар яз көне нинди кошлар очып кайтуы, ә кайсылары ел буе безнең белән яшәве турындагы белемнәре белән уртаклаштылар. Алар викторина сорауларына рәхәтләнеп җавап бирделәр, канатлы кошлар турындагы табышмакларны чиштеләр. Исемнәрендә кошлар очрый торган әдәби әсәрләрне, әкиятләрне искә төшердек. «Канатлы дусларыбыз ничек яши», «Кошлар турында кем кайгырта», “Кошлар файда яки зыян китерәме?", "Кошлар ашханәсендә меню", "Ни өчен кошлар азрак булды?" дигән сорауларга да җавап бирделәр. Балалар үз җирләрендәге кошларның төрле төрләре турында, тышкы кыяфәтенең, үз-үзләрен тотышының үзенчәлекләрен белделәр. Чара азагында балалар кошлар белән дус булырга һәм аларны яклаучы булырга вәгъдә иттеләр.

5 апрель көнне Кече Шыңар мәдәният йортында Мишәбаш мәдәният йорты, Явлаштау китапханәсе һәм "Сәләт" клуб берләшмәсенә йөрүчеләр  катнашында Флорида Бүләковның " Әбиләргә ни җитми?"әсәре сәхнәләштерелеп күрсәтелде. Һәр артист үз ролен оста һәм күңел белән башкарды. Тамашачылар спектакльне сокланып карадылар. Тамашачыларның көчле алкышлары, җылы сүзләре, изге теләкләре артистларның чыгышларының халык күңеленә үтеп керүен күрсәтә. Алар уңай хис-кичерешләре өчен рәхмәт белдерделәр.

5 апрель көнне Саба балалар сәнгать мәктәбендә V районкүләм балалар һәм яшьләр "Талантлы балачак" фестиваль - конкурсы үтте. Быел ул Бөек Җиңүнең 80, Россия һәм Татарстанның халык артисты, атказанган сәнгать эшлеклесе, М.И.Глинка исемендәге Россия дәүләт премиясе, Г. Тукай исемендәге Татарстан дәүләт премиясе лауреаты, композитор Ф.Ә.Әхмәтовның тууына 90 ел тулуга багышланган иде. Конкурста Югары Шытсу мәдәният йорты каршында эшләп килүче "Дубая" халык уен кораллары ансамбле "Инструменталь башкару" номинациясендә патриотик теманы, Ф. Әхмәтов көен, татар халык көйләрен үз эченә алган чыгыш белән катнашты.

   «Тоя алам» - яшүсмерләрнең эмоциональ белемлелеген үстерүгә юнәлдерелгән бөтенроссия проекты. Шушы проект кысаларында 4 апрель көнне Югары Шытсу мәдәният йорты хезмәткәрләре “Тоя алам” дигән түгәрәк өстәл оештырдылар. Чара барышында оптимистлык, кеше хәленә керә белү, илһамлану, бүгенге тормыш кебек кыйммәтләр һәм эмоцияләр турында сөйләшенде. Шулай ук катнашучылар картиналар буенча үзләренең тирәлекләрен сайладылар, ни өчен икәнен һәм эмоцияләрен, хисләрен  аңлаттылар. Үзеңнең һәм башкаларның хисләрен тоя белү – гармонияле шәхес формалашуга мөһим адым булып тора. Мондый түгәрәк өстәлләр яшүсмерләрне уйларга, үз фикерләрен анализларга, исбатларга өйрәтә.