Яшьлэр белэн энгэмэ "День Рождества"

Елның иң гаҗәп, иң гүзәл фасылы-Кыш – Кыш - ул һәрвакыт балалар өчен бәйрәм. Бу чанада шуу да, кар бабайлары ясау да, кар ату уеннары да. Ә тагын бу вакытта рәсем ясарга, рәсемнәрне буярга мөмкин, чөнки рәсем ясау-балаларның яраткан шөгыльләренең берсе. 7 январь көнне Чабья-Чурчи авыл клубында "Кышны ясыйбыз"дип исемләнгән рәсем конкурсы үткәрелде. Барлык катнашучылар да үзләренең фантазияләрен һәм иҗади потенциалларын күрсәттеләр. Клуб мөдире балаларга актив катнашулары өчен рәхмәт белдерде һәм барысына да сәламәтлек, бәхет теләде һәм барысын да тәм-томнар  белән сыйлады. Конкурстан соң төрле хәрәкәтле уеннар үткәрелде

Кыш-елның әкияти вакыты.  Ә кышкы күңел ачулар балалар өчен иң яратканнарыннан берсе. Кыш җитүгә барысыннан да бигрәк балалар шатлана. Һәм бу очраклы түгел, чөнки нәкъ менә кыш саф кышкы һавада күңелле һәм сәламәтлек өчен файдалы итеп вакыт уздыру өчен менә дигән мөмкинлек бирә. 8 январь көнне Чабья-Чурчи клубы мөдире балалар өчен "Снежное веселье" уен программасы үткәрде. Аның төп максаты балаларда бәйрәм рухы тудыру, кыш турындагы белемнәрне ныгыту, уртак уен эшчәнлегенә җәлеп итү иде. Балалар күңелле уеннарда һәм конкурсларда бер-берсе белән ярыштылар. Клубта балаларны татлы призлар һәм бүләкләр көтте. Чара кызыклы һәм күңелле узды. Барлык катнашучылар да күтәренке кәеф һәм күтәренке рух алды

5 январь көнне Эзмә мәдәният йортында автор башкаручы Илфир Искәндәровның концерты булды. Тамашачылар һәр чыгышны бик җылы каршыладылар һәм көчле алкышлар белән рәхмәт белдерделәр.

  3 январь көнне Югары Шытсу мәдәният йорты һәм китапханәсе  хезмәткәрләре  “Могҗизалар вакыты” дигән балалар өчен чыршы бәйрәме үткәрделәр. Бәйрәм театральләштерелгән тамаша белән башланып китте. Яңа ел белән авыл җирлеге башлыгы Мәүлетов Б.М. да котлады. Ә Кыш бабай белән Кар кызы килгәч, балалар шигырьләр сөйләделәр, җырлар, биюләр башкардылар, әйлән – бәйлән ясадылар, “Теләкләр шары”, “Яңа ел флешмобы”, “Йолдызчык” һәм башка уеннар уйнадылар. Әти-әниләр дә читтә калмады. Чара барышында “Әдәби алан” проектында катнашучы балалар да бүләкләнде. Шулай ук махсус хәрби операциядә катнашучы авылдашларыбызның балалары да аерым котланды. Бәйрәмнән һәркем канәгать калып, бүләкләр һәм шәп кәеф белән таралышты.