«Нашим папам посвящается…» бәйрәм концерты

2024 елның 18 октябре, җомга

18 октябрь көнне Шәмәрдән мәдәният йорты сәхнәсендә «Хөснулла һәм Аллагияр Вәлиуллиннар исемендәге Саба балалар сәнгать мәктәбе»нең Шәмәрдән филиалында әтиләр көненә багышланган «Нашим папам посвящается…» дигән бәйрәм концерты узды. Программада укучылар һәм педагоглар чыгыш ясады, алар тамашачыларны төрле инструменталь номерлары белән сөендерде. Экранда тавыш һәм ут эффектларны Шәмәрдән мәдәният йорты белгечләре Г.М.Әхмәтшина һәм А.И.Хуҗин тәэмин итте, бу чарага үзенчәлекле атмосфера өстәде. Концерт балаларга әтиләренә булган мәхәббәтләрен һәм хөрмәтләрен белдерү, шулай ук үз сәләтләрен күрсәтү өчен менә дигән мөмкинлек булды. Тамашачылар чыгышларга бик шатландылар, чара җылы һәм дустанә шартларда узды.