«Һәйкәл куям Сезгә гөлләрдән!» бәйрәм концерты
6 октябрь көнне Шәмәрдән мәдәният йорты хезмәткәрләре «Һайкәл куям Сезгә гөлләрдән!» дигән укытучылар көненә багышланган бәйрәм концерты оештырдылар. Укытучылар көне - балаларга белем дөньясын ачучы, аларда якты шәхесләр тәрбияләүче, актив тормышка өндәүче кешеләрнең якты һәм игелекле бәйрәме. Концертта Шәмәрдән мәдәният йорты үзешчәннәре, «Акварель» халык бию төркеме, «Экспромт» бию коллективы, Мичәнбаш авыл мәдәният йорты мөдире А.Б.Гаврилова, Иске Мичән мәдәният йорты сәнгать җитәкчесе И.Һадиев катнаштылар. Биредә яхшы кәеф һәм уңай хис-кичерешләр белән сугарылган җылы атмосфера хөкем сөрә иде. Тантаналы котлаулар күңелгә ятышлы сүзләр белән аралашты, матур музыкаль номерлар белән тулыланды. Рәхмәтле тамашачылар үз чиратларында көчле алкышлар бүләк иттеләр. Укытучылар көненә багышланган бәйрәм концерты безнең йөрәкләрдә якты тәэсирләр калдырды.