«Табигать балалары» дип аталган экологик сәгать
23 майда күп кенә илләрдә Бөтендөнья ташбакалар көне билгеләп үтелә. Бу чараның максаты-планетаның экологик проблемалары аркасында күп санлы ташбакаларның һәлак булу проблемасына җәмәгатьчелек игътибарын җәлеп итү. Күп кенә төрләр юкка чыгу куркынычы астында тора һәм Кызыл китапка кертелгән. Ташбакалар - гаҗәеп хайваннар. Алар Антарктидадан башка җирнең барлык континентларында яшиләр. Коры җир ташбакалары гына акрын санала. Диңгез ташбакалары сулы мохиттә сәгатенә 35 км кадәр хәрәкәт итә. Иштуган мәдәният йорты белгечләре китапханә белән берлектә җәйге уку залы кысаларында «Табигать балалары» дип аталган мавыктыргыч чара үткәрделәр. Чарада балалар тере ташбакалар белән таныштылар. Беренче танышу вакытында балалар тавыш чыгарырга һәм хайванны куркытырга, аларга зыян китерергә ярамый икәнен белделәр. Хайванның үзен тыныч һәм ышанычлы хис итүен күзәтергә кирәк. Шулай ук балалар ташбака турында табышмаклар чиштеләр һәм тормышның төрләре һәм үзенчәлекләре белән таныштылар. «Табигать турында балаларга кыскача энциклопедиясе»ннән ташбакалар белән төсле иллюстрацияләр карадык. Черепаха катнашындагы әдәби әсәрләрне искә төшердек. Сергей Козловның “Ничек арыслан һәм ташбака җыр җырладылар” әкиятеннән өзек тыңладык. Чарада катнашучылар файда белән вакыт үткәрделәр һәм иҗат процессыннан зур рәхәтлек алдылар..