Ватанны саклаучылар көне уңаеннан «Поле чудес» уены

  24 ноябрь көнне Олы Нырты авылы мәдәният йорты сәхнәсендә әниләр көне унаеннан Айгүл Закирзянова , Самат Набиуллиннар  “Икебезгә бер... ” дигән концерт программасы белән чыгыш ясадылар. Концерт дәвамында сәхнәдән моңлы җырлар, дәртле биюләр, матур шигырьләр, мәзәкләр һәм котлаулар яңгырады. Үзләренең матур чыгышлары белән артистларыбыз, тамашачыларга кызыклы иҗади программа бүләк иттеләр. Гомумән алганда, концерт җылы һәм дустанә шартларда узды. Бәйрәм концерты матур чыгышлар белән истә калды һәм барлык тамашачыларга яхшы кәеф бүләк итте.

«Ана мәхәббәте белән дөнья матур»бәйрәм кичәсе Әниләр көнен бәйрәм итү алдыннан, 23 ноябрь көнне Олы Нырты мәдәният йорты, китапханә һәм Чурча авыл клубы «әниләр мәхәббәте белән дөнья гүзәл"дигән бәйрәм кичәсе үткәрде. Бәйрәм бик җылы атмосферада узды. Әниләр, ике командага бүленеп, пантомимада ярыштылар, «спортомама» биремнәрен үтәделәр, җырлар башкардылар, шаярту конкурсларында катнаштылар. Кичәдә матур җырлар, күңелле шигырьләр яңгырады, гармун көйләре яңгырады. Бәйрәм чәй эчү белән тәмамланды.

25 ноябрьдә Иштуган бистәсендә «Мәдәният»милли проекты кысаларында капиталь ремонттан соң авыл мәдәният йортын ачу тантанасы булды. Бу бистәдә яшәүчеләрнең барысы өчен дә зур бүләк. Алар хезмәт күрсәтү сыйфаты стандартларына җавап бирә торган заманча авыл мәдәният учреждениесенә, ә үзешчән сәнгатьтә катнашучылар яңартылган һәм матур бинада үз иҗатларын үстерү мөмкинлегенә ия булдылар. Котларга Саба муниципаль районы Башкарма комитеты җитәкчесе Ишниязов Марат Рашат улы,мәдәният бүлеге җитәкчесе Заһидуллин Рөстәм Фидаилевич, "ПМК-159" ҖЧҖ директоры урынбасары Нәбиуллин М. А., Иштуган авыл җирлеге башлыгы Гайнетдинов Д.М. килде. Тантаналы ачылыштан соң"Дус яшибез татар илендә!"дип аталган район мәдәният йорты белгече Хәниф Тимербаев җитәкчелегендә концерт башланды.Чарада Иштуган мәдәният йортының "Тюрагай"удмурт фольклор коллективы,Иске Икшермә мәдәният йортының"Сударушка"ансамбле ,Шекше мәдәният йортының "Зиләйлүк" фольклор коллективы,Теләче районының Субаш авылының"Нардуган"керәшен фольклор коллективы, «Сыңрау торна»башкорт коллективы( Халыклар дуслыгы, Казан) һәм "Саба чишмәләре"коллективлары чыгыш  ясады .Тамашачылар концертта катнашучыларның барысын да бик теләп каршы алдылар, һәр чыгыш көчле алкышлар белән үрелеп барды. Мәдәният йорты иҗат тормышының тагын да кызыклырак һәм яктырак яңа этабы башланды.

Шекше мәдәният йортында «Әниләргә багышлап» төп гомуми белем бирү мәктәбенең Гаилә елына һәм Әниләр көненә багышланган концерты булды. Анда укучылар, аларның әти-әниләре һәм педагоглар коллективы катнашты. Программа бай эчтәлекле иде, ул Алсу Ханнанова башкаруында бишек җыры һәм З.Әхмәтшина җитәкчелегендәге Шекше мәдәният йорты каршындагы хореография коллективы катнашучыларының дәртле биюе белән ачылды. Гаиләләр башкаруында шигырьләр һәм җырлар яңгырады, сәхнәгә быел беренче сыйныфка балалары кергән гаиләләр чакырылды. Өлкән буын, укучыларның әбиләре дә сәхнәдә хөрмәтләнделәр, оныкларыннан бүләкләр алдылар. Матур номерлар концертның бизәге булды. Шекше мәдәният йорты мөдире концертны оештыруда катнашты, музыкаль бизәлешне тәэмин итте.