ЯҢАЛЫКЛАР
26 гыйнвар көнне Шәмәрдән мәдәният йорты белгечләре «Мы против коррупции!» дигән акция үткәрделәр. Әлеге чара актив гражданлык позициясен һәм коррупция фактларына карата түземсез мөнәсәбәт формалаштыруга юнәлдерелгән. Белгечләр кеше хокуклары турындагы белемнәре белән уртаклашты, Шәмәрдән халкы белән әңгәмә алып барды. Акция барышында алар узып баручыларга махсус әзерләнгән «Как противостоять коррупции» дигән буклетлар һәм листовкалар тараттылар, аңлату эшләре алып бардылар һәм ришвәт алган һәм биргән өчен җинаять җаваплылыгы каралуын искәрттеләр. Үткәрелгән акциянең мөһим нәтиҗәсе: коррупцияне җиңеп чыгуның уңышы дәүләтнең грамоталы гамәлләренә генә түгел, ә аның гражданнарының үз позициясенә дә бәйле.
26 январь көнне Кече Шыңар мәдәният йорты һәм китапханә хезмәткәрләре балаларда Ватанны ярату хисләре һәм батырлык тәрбияләү, өлкәннәргә карата хөрмәт тәрбияләү максатыннан “Ленинград блокадасы - тарих битләреннән...” дип аталган мәгълүмат сәгате уздырдылар.
Үсеп килүче буынга үзләренең хокукларын һәм бурычларын белергә һәм алардан дөрес файдаланырга кирәклеге турында мәгълүмат җиткерү максатыннан 25 гыйнвар көнне Шекше мәдәният йорты һәм авыл китапханәсе хезмәткәрләре яшүсмерләр өчен «Без яшьләр – безгә сайларга" дигән хокукый белем сәгате оештырдылар. Оештыручылар хокукның кешеләр риза булып яшәсен һәм һәрчак аларның гадел мәнфәгатьләрен якласын өчен булуын, һәр тормыш ситуациясендә кеше үзен лаеклы, гадел тотарга һәм законны хөрмәт итәргә тиешлеген әйттеләр. Балалар актив рәвештә әңгәмә алып бардылар, викторина сорауларына җаваплар бирделәр һәм хокукый кроссворд чиштеләр. Катнашучылар шулай ук ни өчен законнарны үтәргә кирәклеген ачыкладылар, безнең тормышның төп законы – Конституция турында сөйләштеләр.
25 гыйнварда Урта Нырты авыл клубы мөдире "Әгәр мин югалып калсам..."дигән темага онлайн куркынычсызлык дәресен карадык. "Урманда югалып калсам, нәрсә эшләргә?"Онлайн куркынычсызлык дәресендә урманга кечкенә, ләкин кирәкле, ашыгыч сәяхәт җыелмасын ничек җыярга, ничек итеп дөрес ярдәм чакырырга икәне турында әйтелде.Шулай ук әңгәмәдә катнашучылар, урманда төн үткәрергә туры килсә, йокларга урынны ничек урнаштырырга икәнлеген белделәр.Әңгәмә ахырында балалар өчен истәлек таратылды.
25 гыйнвар көнне Оет авыл клубы китапханә белән берлектә "Чын күңелдән" дигән ял кичәсе үткәрде. Катнашучылар өчен күңелле конкурслар, мәзәкләр әзерләнгән иде. Алар үзләренең белемнәрен, зирәклекләрен, тапкырлыкларын «Мелодияне таны», «Кем тизрәк», «Минем арттан кабатла» кебек конкурсларда күрсәттеләр. Чарада катнашучылар белән шулай ук халык җырларын җырладык, уеннар уйнадык.
25 гыйнварда Иштуган мәдәният йорты белгечләре балалар өчен «Матрешка – Россия символы» дип аталган танып -белү программасын үткәрделәр. Балалар бу гаҗәеп уенчыкның кайчан барлыкка килгәнен, аны кем уйлап тапканын, ни өчен ул шулай дип атала, аны ничек чыгаралар ,буйыйлар һәм башкаларны белделәр. Чара башында «Яши иде Матрешка»дигән видеоролик каралды. Аны караганнан соң балалар табышмакларга, викторина сорауларына җавап бирделәр.Чара азагында балаларга матрешканы ничек күрүләре буенча буярга тәкъдим ителде. Аннары балаларны күңелле уеннарга чакырдылар, анда җырлар җырладылар һәм халык уеннары уйнадылар. Чара милли мәдәниятләр һәм гореф-гадәтләр елына багышланды.
25 гыйнварда Татьяна көне — православие авышлы кызыклы халык кышкы бәйрәме билгеләп үтелә. Бу бәйрәмнең датасы елдан-ел үзгәрми. 2023 елда бәйрәм чәршәмбегә туры килә.
Шуңа бәйле рәвештә, Лесхоз мәдәният йортында хезмәткәрләр һәм завод хезмәткәрләре бар. китапханәләр балалар белән әдәби-музыкаль кичә үткәрделәр. Балаларга бу бәйрәмнең тарихы турында сөйләделәр, җырлар җырладылар һәм викторина формасындагы сорауларга җавап бирделәр.
25 гыйнварда Урта Нырты авыл клубы мөдире "Әгәр мин югалып калсам..."дигән темага онлайн куркынычсызлык дәресен карадык. "Урманда югалып калсам, нәрсә эшләргә?"Онлайн куркынычсызлык дәресендә урманга кечкенә, ләкин кирәкле, ашыгыч сәяхәт җыелмасын ничек җыярга, ничек итеп дөрес ярдәм чакырырга икәне турында әйтелде.Шулай ук әңгәмәдә катнашучылар, урманда төн үткәрергә туры килсә, йокларга урынны ничек урнаштырырга икәнлеген белделәр.Әңгәмә ахырында балалар өчен истәлек таратылды.
25 январь көнне Олы Нырты авыл мәдәният йорты хезмәткәрләре, төрле яшьтәге хатын-кызларны ялын файдалы итеп оештыру максатыннан «Туган ягыбызның талантлы кешеләре..." дип исемләнгән очрашу кичәсе оештырдылар. 2023 ел Татарстаныбызда милли мәдәниятләр һәм гореф-гадәтләр елы дип игълан ителгән иде. Шул максаттан чыгып ,авылыбызның кул эшләренә оста хуҗабикәләре бер өстәл артына җыелып тәҗрибә уртаклаштылар. Алар крючок белән бәйләү , алмазлы мозайка эшләү буенча мастер-класс үткәрделәр. Уңган хуҗабикәләр үзләре кулдан ясалган бик күп төорле эшләнмәләрен тәкъдим иттеләр. Бүгенге кич утырырга җыелучыларның төп максаты буш вакытны файдалы итеп үткәрү, киләчәк буыннарга әлеге һөнәрләрне тапшырып калдыру иде.
Татарстанда 2023 елны милли мәдәниятләр һәм гореф-гадәтләр елы дип игълан итү турындагы карар республиканың үзенчәлеген саклауда зур әһәмияткә ия. Бу республика халкы өчен барлык милләт кешеләре өчен дә мөһим. Юлбат мәдәният йортының китапханәсендә ел дәвамында "Халкыбызның күңел җәүһәрләре" күргәзмәсе эшләячәк, анда татар халкының гореф-гадәтләрен чагылдырган халык иҗаты, кул эшләре тәкъдим ителәчәк.
25 гыйнварда Юлбат мәдәният йорты һәм китапханә хезмәткәрләре «Ак калфак» клубы әгъзаләре белән «Халкымның күңел бизәкләре» дип исемләнгән кич утыру оештырылды. Кул эшләре-ул иҗат, фантазия ачышы, башкаручының осталыгы. Һәр башкарылган әйбергә аның энергиясе, җан һәм йөрәкнең бер өлеше салына. Катнашучылар барлык теләүчеләрне дә кул эшләре осталыгына өйрәтәтергә әзер.. Бүген «Ак калфак» клубында катнашучының кул эшләре белән таныштык.