ЯҢАЛЫКЛАР
Бүген, 2 июньдә, Халыкара балаларны яклау көне уңаеннан, "Дуслык" мәктәп яны лагеры (Эзмә урта гомуми белем бирү мәктәбе каршында оештырылган) белән берлектә, Өтенәс авыл клубы янында "Күңелле эстафета" - күңел ачу уен программасы үткәрелде. Балалар бик теләп төрле уеннар уйнадылар, барлык конкурсларда катнаштылар. Алар барлык биремнәрне дә искиткеч дөрес итеп үтәделәр, үзләренең җитезлекләрен күрсәттеләр һәм бүләкләр алдылар. Бәйрәм бик күңелле узды.
Бирнә җыю - Сабантуй алдыннан үткәрелә торган йоланы һәркем көтеп ала. Бүген, 1 июньдә, Сабантуй якынлашкан көндә, яшьләр белән авылда бәйрәм өчен сөлгеләр, яулыклар һәм бүләкләр җыйдык. Татар көйләренә җырлар җырлап, йолада катнашучылар үз юлларын урамнар буйлап дәвам иттеләр. Гармун тавышларын ишетеп, кешеләр Сабантуй мәйданында булачак ярышларда иң яхшы катнашучылар өчен билгеләнгән бүләкләрен тапшырырга ашыктылар. Бүләк җыючылар бүләк алып килгән һәр кешене биюгә дәштеләр һәм юмартлыклары өчен рәхмәт белдерделәр, байлык, яхшы уңыш һәм иминлек теләделәр! Алар, үз чиратында, аларны елмаеп озаттылар, халык йолаларын саклаганнары өчен рәхмәт белдерделәр.
«Георгий тасмасы» Бөтенроссия акциясе старт алды. Георгий тасмасы күп еллар дәвамында Россиянең батырлык, халыкның ныклыгы, Ватанны саклаучыларның символы булып тора. Бу символ Бөек Ватан сугышы вакытында совет халкының иң бөек батырлыгын искә төшереп кенә калмый, ә озын һәм героик тарих булып тора. Бу Җиңү символын йөрәк янында йөртәләр, бу совет солдатларының батырлыгы киләчәк буыннарның йөрәкләрендә мәңгегә калганлыгын күрсәтә. Сугышта катнашучыларның батырлыкларына хөрмәт йөзеннән, Өтернәс авыл клубы белгечләре балалар һәм авылдашлары белән берлектә, һәр Бөек Ватан сугышы ветераны чардуганына истәлекле Георгий тасмасын беркеттеләр. Ата-бабаларыбызның батырлыклары безне тынычлыкка омтылырга мәңге рухландырачак.
26 апрель көнне, Өтернәс авыл клубы бөек татар шагыйре Габдулла Тукайның тууына 138 ел тулу уңаеннан "Тукай безнең күңелләрдә" дигән шигъри кичә үткәрде. Чара барышында язучының тормышы һәм иҗаты турында викторина үткәрелде, балачакта өйрәнгән шигырьләр сөйләделәр. Чара халкыбызның гимны булган "И, туган тел" җыры белән тәмамланды.
24 апрельдә Өтернәс авыл клубында "Гаилә елы" кысаларында "Аулак өй" -кичке уен уздырылды. Милли татар уеннарын искә төшердек, такмаклар, җырлар җырладык. Бер-берсенә гаиләдә сакланып килгән гореф – гадәтләрне, йолалар турында сөйләделәр, яңа такмаклар иҗат иттеләр. Кич бик күңелле узды.
6 апрельдә Өтернәс авыл клубында Рамазан аена багышланган Ифтар оештырылып үткәрелде. Кич изге Коръән уку астында узды. Катнашучылар Рамазанга багышланган үгет-нәсихәтләр тыңладылар, мөнәҗәтлар укыдылар. Аннары алар дусларча ифтар ясадылар, бер-берсе белән аралашып рәхәтләнеп вакыт үткәрделәр.
29 мартта, Өтернәс авыл клубы каршында "Рәхим ит, Нәүрүз" - яз бәйрәме үткәрелде. Чара барышында катнашучылар бәйрәмнең барлыкка килү тарихы, тормыш тантанасы, юмарт уңыш елына өмет икәнен белделәр. Авылдашлар янына матур киемдә Нәүрүз – яз кызы килде. Бәйрәмдә катнашучылар җырладылар, биеделәр, күңелле, халык уеннарында катнаштылар. Үзешчән сәнгатьтә катнашучылар авылдашларны матур җырлар белән сәламләделәр. Чара ахырында барысы да тәмле "Карга боткасы", хуш исле чәй һәм кайнар коймаклар белән сыйланды! Бәйрәм һәркемгә уңыш, тынычлык һәм татулык, мәхәббәт һәм яхшылык теләү белән тәмамланды.
Кияү белән каенана -туган кан. 7 мартта Өтернәс авыл клубында "Ай ли замана, Килен белэн Кайнана" - бәйрәм чарасы узды. Бәйрәмдә өч пар катнашты. Алар гаилә бәхетенең серләре белән уртаклаштылар, үзләренең иҗади сәләтләрен конкурсның җиде этабында күрсәттеләр, үзләренең талантларын гына түгел, ә дуслыкларын, һәр гаиләнең көндәлек тормышында кирәкле юмор хисләрен дә күрсәттеләр. Һәрбер катнашучы уникаль, һәр гаиләнең үз традицияләре һәм гаилә кыйммәтләре бар. Конкурсантлар барысы да оста, тәмле пешерә дә, чигә дә, бии дә, җырлый да беләләр. Конкурслар үзешчән сәнгатьтә катнашучылар башкаруында музыкаль номерлар белән чиратлашты, бәйрәм бик күңелле һәм якты булды. Конкурс нәтиҗәләре буенча җиңелүчеләр табылмады. Чара ахырында истәлекле бүләкләр тапшырылды.
21 февраль көнне Өтернәс авыл клубында Пукал авыл китапханәсе белән берлектә, Туган тел көне уңаеннан "Туган тел изге да, көчле да ул» дигән интеллектуаль викторина уздырылды.. Китапханәче бәйрәмнең барлыкка килү тарихын, дөньяның төрле телләренең бөеклеге һәм күптөрлелеге турында сөйләде. Телебезнең никадәр матур һәм бай булуын күрер өчен, аны яхшы белергә кирәк.. Аннары катнашучылар викторина биремнәрен үтәделәр, «Мәкальләр һәм әйтемнәр» һәм «Иске сүзләр» не искә төшерделәр, «Антонимнарны сайла», «Бер сүз белән әйт» һ.б. турларда җаваплар таптылар. Чара барышында катнашучылар үзләренең сәләтләрен, туган телне белүдә зирәклекләрен күрсәттеләр һәм китапларны күбрәк укырга кирәк дигән нәтиҗәгә килделәр.
27 ноябрьдә Олыяз мәдәният йортында «Ана мәхәббәте белән җир ямьле» - бәйрәм концерты уздырылды. Бәйрәмне алып баручылар барлык әниләрне бәйрәм белән котладылар. Аннары авыл җирлеге башлыгы Райнур Әхмәтов әниләргә тынычлык, гаилә иминлеге, сәламәтлек һәм озак еллар ана бәхете теләп бәйрәм белән котлады. Чарада улларын махсус операциягә озаткан әниләргә, барысына да нык сәламәтлек, якыннарының тизрәк өйгә кайтуларын теләп рәхмәт сүзләре, җыр яңгырады. Бу бәйрәм көнендә Өтернәс авыл клубы, Эзмә мәдәният йорты, Пукаль авыл китапханәсе үзешчән артистлары һәм мәдәният хезмәткәрләре башкаруында иң яхшы, матур җырлар яңгырады. Бәйрәм концерты гадәти булмаган өй уңайлыгы һәм җылылык атмосферасында узды, ә иң мөһиме барысына да бик күп күңелле тәэсирләр бүләк итте.