ЯҢАЛЫКЛАР
27 гыйнварда Тимершык мәдәният йортында китапханә белән берлектә яшьләр өчен «Татьянин көне» күңел ачу программасы узды, чара студентларны котлау, бәйрәм тарихы һәм традицияләре турында таныштыру булды. Программа төрле күңелле конкурслар белән дәвам итте. Катнашучылар конкурсларда актив катнаштылар. Чара бәйрәм дискотекасы белән тәмамланды.
Тимершык мәдәният йортында китапханә белән берлектә «Блокадалы Ленинград» дигән батырлык дәресе уздырылды. Балалар блокадалы шәһәрдә балаларның ачлык, салкын, үлем белән ничек көрәшкәннәре турында белделәр. Сугышның беренче көннәреннән үк алар өлкәннәргә ярдәм итәргә тырышалар: фронтка киткән ата-аналар урынына станоклар артына басалар, оборона ныгытмалары төзиләр, яраланганнарны карыйлар, патроннар һәм снарядлар ясау өчен кирәкле металл чүп-чар җыялар. Балаларга блокадачыларның икмәк нормасы, ул вакытта икмәк карточкаларының нәрсә аңлатканы турында хикәя зур тәэсир калдырды. Чарага тематик күргәзмә ясалды.
13 гыйнвар көнне Кыш бабай белән Кар кызы, китапханәче белән берлектә, Тимершык мәдәният йортына, "Кояшкай" балалар бакчасына йөрүче балаларны, Искечә яңа елны каршыларга дип кунакка чакырды. Балалар әйлән-бәйлән уйнап, җырлап биеделәр. Төрле уеннарда, конкурсларга катнаштылар, Кыш бабайга шигырьләр сөйләделәр. Кыш бабай аларны күчтәнәчләр белән сөендерде. Балалар Кыш бабай белән Кар кызына рәхмәт әйтеп, киләсе яңа елга кунакка чакырдылар.Балалар өчен бик күңелле бәйрәм булды.
Яңа елны каршы алганнан соң ике атна узгач, 13 гыйнвардан 14 гыйнварга каршы төндә, ел саен кечкенә могҗиза була Яңа Ел кабат ишек шакый, әмма башка исем астында Иске Яңа ел. Чөнки тагын бер тапкыр игелекле, иске әкият атмосферасына чуму, могҗизага ышану, балачакны искә төшерү, теләк әйтү бик яхшы. Бу көнне Тимершык мәдәният йортында китапханә белән берлектә «Ах, бу иске Яңа ел» ял кичәсе узды. Теләге булган һәркем төрле кызыклы конкурсларда һәм уеннарда катнаша алды. Җырлар җырладык һәм биедек. Чөнки олыларга да кайвакыт балачакка, сихри кышкы бәйрәмгә кайтырга телиләр. Авыл мәдәният йортында Иске Яңа елны дуслары белән бергә яңа ел чыршысы янында каршы алу традициясе булуы бик яхшы.
7 гыйнварда Тимершык мәдәният йорты һәм китапханә, Кырбаш һәм Мичәнбаш клуб хезмәткәрләре п.г. т. б. Сабаның үзәк чыршы мәйданында Раштуа көненә күңел ачу кичәсе оештырдылар. Бәйрәм Кыш Бабай, Кар Кызы һәм әкият персонажлары котлаулары белән башланды.Программа кызыклы конкурслардан, төрле уеннардан, җырлардан, биюләрдән һәм викториналардан тора иде. Тамашачылар актив катнаштылар һәм истәлекле бүләкләр алдылар.
Тимершык мәдәният йортында һәр елның гыйнвар башында балалар өчен чыршы тирәсендә бәйрәм Яңа ел бәйрәме һәм балалар өчен җиңелүсез лотерея уза. 5 гыйнварда чираттагы бәйрәм, китапханә белән берлектә, "Чыршы кунакка чакыра" дигән исем астында узды. Балаларны матур итеп бизәлгән чыршы, Кыш Бабай, Кар Кызы һәм лотерея өчен матур бүләкләр көтә иде. Бәйрәмнең башыннан ук чыршы әйләнәсендә җырлап әйләнделәр, төрле конкурсларда катнашканнар, аның тирәсендә җырлаганнар һәм биегәннәр, аннары балалар Кыш бабайга шигырьләр сөйләгәннәр. Төрле төстәге, ялтырап торган гирляндалар һәм якты бизәкле чыршы балаларга могҗиза хисе китерде.
Тимершык мәдәният йорты һәм китапханә хезмәткәрләре Кыш бабай белән бергә әтиләре хәрби зонада хезмәт иткән балаларны, хатыннарын, Яңа ел белән котладылар. Алар балаларга татлы бүләкләр, уенчыклар һәм Яңа ел кәефе бүләк иттеләр
4 гыйнварда Тимершык мәдәният йортында китапханә белән берлектә «Бергә укыйбыз, бергә уйныйбыз» дигән әдәби-уен программасы узды. Балалар әкиятләр һәм маҗаралар дөньясына чумдылар, әдәби әәсәрләрне, әкият исемнәрен һәм әкият геройларын таптылар. «Шалкан» әкиятендәге персонажларга әверелеп, команда уеннарында ярыштылар. Моннан тыш, балалар журналларын һәм энциклопедияләрен бик теләп укыдылар. Шулай ук иң актив укучыларны китаплар саны буенча да ачыкладылар. Барлык укучыларга да бүләкләр бирелде.
Тимершык мәдәният йортында Гаилә елы кысаларында Гөлҗиһан оныкларының "Туганлык арасы, булмыйдыр яңасы" дип аталган очрашу бәйрәме үткәрелде. Бәйрәмнең беренче өлешендә барлык онык-оныкчыклар 95 яшьлек әбиебез өенә җыелдык. Анда истәлекләр белән уртаклашып, чәй өстәле артында сыйландык. Бәйрәмнең икенче өлеше мәдәният йортында балалар өчен күңелле яңа ел уеннары белән дәвам итте. Кунакка Кыш бабай белән Кар кызы, төрле җәнлекләр килгән иде.Уеннар уйнап, җырлап-биеп үткәрдек бәйрәмне. Әлеге бәйрәм туганлык җепләрен ныгытуга, гаилә кыйммәтләрен саклауга юнәлдерелгән иде. Әлеге чара барчабызга да бик ошады.
Тимершык мәдәният йортында "Яңа ел төне" дискотекасы узды.чара күңелле үтте, барлык катнашучылар да рәхәтләнеп биеделәр. Кунаклар чын мәгънәсендә күңелле хатирәләргә чума һәм зур рәхәтлек таба алдылар, ә иң мөһиме – җырлап, биеп күңелле вакыт үткәрделәр.