ЯҢАЛЫКЛАР
9 Май алдыннан бөтен ил буенча Бөек Ватан сугышында Җиңү көненә багышланган масштаблы чаралар уза. Аларның берсе 1 майдан 9 майга кадәр уздырыла торган "Җиңү тәрәзәләре" Бөтенроссия патриотик акциясе булды.6 майда Тимершык мәдәният йорты хезмәткәрләре дә бу акцияләрдә катнашты, мәдәният йортының тәрәзәләре Җиңү символлары белән бизәлде. Бизәлгән якты тәрәзәләргә карап, кәеф күтәрелә, үз илең өчен горурлык хис туа, Бөек Җиңү көне бәйрәме якынлашуы сизелә!
2023 елның 25 апрелендә ел саен үткәрелә торган «Георгий тасмасы» Бөтенроссия акциясе старт алды. Акция Ватанны саклаганда һәлак булган сугышчылар турында истәлекне саклау максатыннан уза һәм 1941-1945 еллардагы Бөек Ватан сугышында Җиңүнең 78 еллыгына багышлана. Тимершык мәдәният йорты һәм китапханә хезмәткәрләре клуб берләшмәләренә йөрүчеләр белән берлектә «Георгий тасмасы» акциясенә кушылдылар һәм сугыш ветераннары каберләренә Георгий тасмаларын бәйләделәр.
2023 елның 25 апрелендә ел саен үткәрелә торган «Георгий тасмасы» Бөтенроссия акциясе старт алды. Акция Ватанны саклаганда һәлак булган сугышчылар турында истәлекне саклау максатыннан уза һәм 1941-1945 еллардагы Бөек Ватан сугышында Җиңүнең 78 еллыгына багышлана. Тимершык мәдәният йорты һәм китапханә хезмәткәрләре клуб берләшмәләренә йөрүчеләр белән берлектә «Георгий тасмасы» акциясенә кушылдылар һәм сугыш ветераннары каберләренә Георгий тасмаларын бәйләделәр.
9 Май бәйрәм генә түгел, бу сугыш кырларында һәлак булганнар турында изге истәлек. Бу-безнең тарихыбыз. Бөек Җиңүнең 78 еллыгын һәм "сугыш хатын-кыз йөзе түгел" проектын бәйрәм итү кысаларында Тимершык мәдәният йорты хезмәткәрләре тыл хезмәтчәннәренә һәм сугыш балаларына өйдә баруны оештырдылар, Нурмиева Гөлзиган апада, Нуруллина Өммегөлсем апада, Хәйруллина Минниса апада, Гарипов Хәниф абый янында булдылар. Аларны бөек җиңүләре белән котладылар, котлау открыткалары, Георгий тасмалары тапшырдылар, аларга сәламәтлек, рух күтәренкелеге теләделәр. Котлаулар битараф калдырмады ,алар мәдәният хезмәткәрләрен шатланып каршы алдылар. Алар сугыш һәм сугыштан соңгы авыр ачлык еллары турында күз яшьләре белән сөйләделәр, фронтларда һәм тылда һәлак булган бабаларын һәм әти-әниләрен, абыйларын һәм апаларын искә алдылар.Аларга күрсәткән игътибарлары һәм кайгыртулары өчен чын күңелдән рәхмәт белдерделәр.
8 майда Тимершык мәдәният йортында сәнгать үзешчәнлеге һәм мәктәп белән берлектә стела янында митинг һәм мәдәният йортында Бөек Ватан сугышында Җиңүнең 78 еллыгына багышланган “Чын батырлык - илгә тугрылык” дип исемләнгән концерт оештырылды. Башта котлау сүзе белән авыл җирлеге башлыгы А.Х. Хаҗиев чыгыш ясады. Сугышта һәлак булган барлык солдатларны искә алып бер минут тынлык игълан ителде. Яшь артистлар сугыш еллары җырларын һәм биюләрен башкардылар, "Кызыл алмалар" театральләшкән спектакль күрсәтелде. Чара «Вперед Россия"җыры белән тәмамланды. Тантаналы өлештән соң кунаклар бәйрәм өстәленә чакырылды.
1 май - тынычлык, үзара татулык, илебез байлыгын булдыруда хезмәт иткән бөтен халык бәйрәме. Бу ай табигатьнең яшәрүен, яз белән бергэ жылы килүен, киң кырларда, бакчаларда эш башлануын аңлата. Халыкның йола- бәйрәмнәре -яшь буынга белем һәм тәрбия бирүдә кыйммәтле чыганак, чөнки ул халыкның рухи байлыгын, милли үзенчәлекләрен, гореф-гадәтләрен буыннан-буынга җиткерә. Халкыбызның милли йолаларын балаларга тапшыру максатыннан,1 май көнне Тимершык мәдәният йорты, китапханә хезмәткәрләре Тимершык авылының Комарова, Ак чишмә урамнарында “Йомырка җыю” бәйрәме оештырдылар. Әлеге бәйрәмнәр авылны берләштерә, бәйрәм рухы өсти, күңелләрне күтәреп җибәрә.
26 апрельдә бөек татар шагыйре Габдулла Тукайның туган көненә Тимершык мәдәният йорты һәм китапханә хезмәткәрләре балалар өчен «Без Тукай оныклары» дип исемләнгән әдәби сәгать үткәрделәр. Китапханәче шагыйрьнең тормышы һәм иҗаты турында сөйләде. Балалар Г .Тукай шигырьләрен татар һәм рус телләрендә укыдылар. Әлеге чарага «Габдулла Тукай безнең йөрәкләрдә»дигән китап күргәзмәсе оештырылды.
Милли мәдәниятләр һәм традицияләр елы кысаларында 19 март көнне Тимершык мәдәният йорты мәдәният хезмәткәрләре китапханә белән берлектә “Нәүрүз” милли бәйрәмен оештырдылар. Бәйрәмгә зур һәм төрле программа әзерләнгән иде. Авылдашлар уеннарда, конкурсларда бик теләп катнаштылар һәм казанда пешерелгән бәйрәм боткасыннан авыз иттеләр . Бәйрәмдә төрле халык уеннары концерт номерлары белән үрелеп барды. Барлык килгән тамашачылар, бәйрәм кунаклары күтәренке кәеф таралдылар.
15 мартта, милли мәдәниятләр һәм традицияләр елы кысаларында, Тимершык мәдәният йорты һәм китапханә хезмәткәрләре балалар белэн "Нәүрүз" бәйрәменә бүләкләр җыюны оештырдылар. Бирнә җыйнау борынгыдан килгән традиция. Балалар яхшы теләкләр белән һәр ишегалдына керделәр, хуҗаларны сәламләделәр һәм 19 мартта узачак Нәүрүз бәйрәменә чакырдылар.
6 мартта Тимершык мәдәният йортында 8 Март - Халыкара хатын-кызлар көненә багышланган “Язлар матур хатын-кызлар белән” дип исемләнгән бәйрәм концерты узды.Концерт программасы Тимершык, Кызыл Мишә, Мишабаш, Эзмә, Иске Мичән авыл мәдәният йортлары, Илебер, Түбән Симет, Сәрдә авыллары клубы хезмәткәрләре һәм үзешчән сәнгатьтә катначучылар көче белән әзерләнгән иде. Концерт дәвамында җырлар, шигырьләр һәм котлаулар яңгырады. Чыгыш ясаучылар, тамашачыларга кызыклы, иҗади программа бүләк иттеләр. Бәйрәм якты чыгышлары белән истә калды һәм тамашачыларга искиткеч кәеф бүләк итте.