ЯҢАЛЫКЛАР
Тимершык мәдәният йорты хезмәткәрләре китапханә белән берлектә балалар белән «Үз сәламәтлегеңне ничек сакларга»уен программасын үткәрделәр. Программа башында балаларга көн режимын үтәү, дөрес туклану, ял итү, зарарлы гадәтләргә каршы тора белү, спорт белән шөгыльләнү һәм организмны ныгытуның мөһимлеге турында сөйләделәр. Шулай ук балалар күңелле разминкада актив катнаштылар, аннары ике командага бүленеп, төрле эстафеталарда һәм конкурсларда ярыштылар. Уен программасында катнашучылар спорт, дару үсемлекләре турында табышмаклар чиштеләр һәм рәхәтләнеп уйнадылар.
Тимершык мәдәният йортында китапханә белән берлектә «Чернобыль фаҗигасе» истәлек сәгате узды.Алып баручы АЭСның барлыкка килү тарихы, авариянең сәбәпләре, фаҗига масштаблары, аварияне бетерүчеләрнең батырлыгы турында сөйләде. Чара «Чернобыль» видеофильмы белән үрелеп барды, анда экологик катастрофа нәтиҗәләре, радиацион зарарлануга каршы көрәш чаралары турында әйтелә. Очрашу ахырында барлык катнашучылар: Чернобыль һәм аның фаҗигасе чыннан да мәңгегә үткәндә калсын өчен, бер генә юл бар: моны һәрвакыт истә тотарга. дигән нәтиҗәгә килделәр.
Тимершык мәдәният йортында китапханә белән берлектә татар халкының бөек улы Габдулла Тукайның туган көненә багышланган "Тукай кайта безгә һәр язда" әдәби-музыкаль кичәсе узды. Китапханәче катнашучыларны бөек татар шагыйренең тормыш этаплары белән таныштырды, ул, авырлыкларга карамастан, искиткеч кеше булып кала алды һәм бик кыска вакыт эчендә, нибары 27 ел эчендә, үзе артыннан халыкка үзенең шигырьләре, әкиятләре, поэмалары һәм хикәяләре рәвешендә бөек мирас калдыра алды. Чарада катнашучылар Г.Тукай шигырьләрен укыдылар, җырлар башкардылар. Чара ахырында барысы бергә "Туган тел"җырын башкардылар.
30 нчы март көнне Тимершык мәдәният йортында, китапханә белән берлектә, язны каршы алу бәйрәме - "Нәүрүз" бәйрәме үткәрелде. Бәйрәм кунаклары кайнар чәй белән тәмле боткадан авыз иттеләр. Нәүрүзбикә авылдашларга үзенең якты теләкләрен җиткерде. Кыш бабай ураза аенда килеп тавышланып йөрмәде, Нәүрүзбикәгә үзенең биләмәләрен ышанып тапшырам дип ватсап аша хәбәр генә бирү белән чикләнде. Бәйрәм уеннар, концерт программасы белән аралашып барды. Олысы-кечесе уеннарда актив катнаштылар.Бәйрәмнән бар кеше күтәренке бәйрәм рухы белән таралышты.
8 мартта Тимершык мәдәният йортында Халыкара хатын-кызлар көне уңаеннан, Тимершык, Кызыл Мишә мәдәният йорты һәм китапханәсе, Куюк авыл клубы хезмәткәрләре тарафыннан Аяз Гыйләҗевнең "Шикәрем син, балым син"драмасы куелды.Тамашачылар спектакльне бик җылы кабул иттеләр.Артистларның чыгышы көчле алкышлар күмелде.
7 мартта Тимершык мәдәният йортында Ландыш Бахави һәм Илфак Агләмов төркемнәренең авыл хуҗалыгы хезмәткәрләре өчен "Саба" ҖЧҖ Мичан филиалы оештырган концерты булды. Сәхнәдә яз бәйрәменә багышланган җырлар һәм шигырьләр яңгырады. Һәр номер уникаль булып чыкты. Тамашачылар зур рәхәтлек белән көчле алкышлар белән алкышладылар һәм эчтәлекле концерт өчен рәхмәт белдерделәр.
5 мартта Тимершык, Кызыл Мишә мәдәният йорты, китапханә, Көек, Сабай, Миңгәр клуб хезмәткәрләре һәм «Мизгел» фольклор коллективы "Миллят яме - йола, бәйрәмнәрдә" район фестиваленең бәйрәм, йомгаклау кичәсендә "Балага исем кушу" йоласы белән чыгыш ясадылар.. Коллектив Саба муниципаль районы башлыгы Р.Н. Миңнехановның Рәхмәт сүзенә лаек булды.
Тимершык мәдәният йортында Талант Фест конкурсының зона этабы узды. Конкурс укучыларның иҗади сәләтләрен үстерү, талантлы балаларны ачыклау максатыннан үткәрелә. Бу конкурста Ю.Симет, Иске Мичән, Шынар, Тимершык урта мәктәпләре һәм Саба интернат мәктәбе укучылары катнашты. Балалар вокал-соло, инструменталь ансамбль, театр һәм сәнгатьле уку номинацияләрендә ярыштылар. Конкурс югары дәрәҗәдә узды һәм ахырда жюри әгъзалары балаларның иҗатын бәяләделәр.
Тимершык мәдәният йортында "Буыннар тарихы-гаилә ядкаре" район фестиваль - конкурсының зона туры узды.Ике гаилә катнашты: " Саба йөзү бассейны "нан Тимербаевлар гаиләсе һәм Курсабаш авы җирлегеннән Мөбарәкшина гаиләсе. Мәдәният йортының тамаша залында Тимербаевлар һәм Мөбарәкшиннар нәселенең күргәзмәсе тәкъдим ителде. Сәхнәдә нәсел тарихы, танылган кешеләр, шәҗәрә презентациясе белән казанышлар турында чыгыш ясалды.
Гаилә - ул безнең нәсел, безнең традицияләр, туганлык. Анда без ярдәм, аңлау һәм кайгырту табабыз. Нык гаилә һәм аның кыйммәтләре-безнең дәүләтнең, аның социаль иминлегенең, мәдәниятенең, икътисадының һәм иминлегенең нигезе. Гаилә елы Россия гаиләсенә игътибарны көчәйтергә, традицион гаилә кыйммәтләрен яклауны ныгытырга тиеш. Тимершык мәдәният йортында китапханә белән берлектә гаилә елы уңаеннан күргәзмә оештырылды. Күргәзмәгә килүчеләр Хантемировлар династиясенең шәҗәрә агачы, династия турында китаплар һәм журнал басмалары белән таныша алдылар. Шулай ук татар язучыларының гаилә, тормыш турында китаплары белән таныштылар.