«Ява карлар, ява карлар...» спектакле

12 март көнне Шәмәрдән мәдәният йортында җәнлекләр циркы булды. Цирк программасы Шәмәрдән халкын жанрларының төрлелеге һәм өйрәтүчеләрнең профессиональлеге белән сөендерде. Акыллы пудельләр, маймыллар, попугайлар катлаулы трюклар башкардылар, биеделәр һәм хәтта тамашачылар белән уйнадылар. Йонлач артистлар белән бергә сәхнәдә чын цирк шапитосы атмосферасын тудырып, күңелле клоуннар һәм фокусчылар чыгыш ясады. Тамашадан соң балаларның ошаган геройлар белән истәлеккә фото ясау мөмкинлеге булды. Бу кичә барлык кунакларга да бик яхшы кәеф һәм могҗизаларның бик якында гына булуына ышаныч бүләк итте. Зал балалар көлүләре, алкышлар һәм шатлыклы кычкырулар белән тулы иде.

11 март көнне Шәмәрдән мәдәният йортында сәламәтлеге чикле булган балалар өчен «Веселый пластилин» мастер-классы үткәрелде. Мастер-класс сәламәтлек мөмкинлекләре чикләнгән балаларда вак моториканы үстерүгә, хәрәкәтне координацияләүгә һәм утыручанлыкка юнәлтелде. Алар ачык төсләр һәм йомшак формалар дөньясына чумдылар. Пластилин белән эшләү-мавыктыргыч шөгыль кенә түгел, ә үз хисләреңне белдерүнең бик яхшы ысулы да. Белгеч җитәкчелегендә катнашучылар язгы чәчәкләр, хайваннар, бизәнү әйберләре, әкият геройлары ясадылар. Осталар кулындагы пластилинның һәр төере уникаль фигурага әверелә. Мондый очрашуларда иң мөһиме — нәтиҗә генә түгел, процесс та: тере аралашу, ярдәм һәм мин моны үзем эшли алам!. Йөзләрдәге елмаюлар оештыручылар өчен иң яхшы бүләк булды. Мондый дәресләр балаларга үз көчләренә ышаныч һәм җылылык бирер дип ышанабыз. Очрашу азагында һәр катнашучы үзенең эшләнмәсен кечкенә җиңү һәм зур иҗат символы буларак өенә алып кайтты.

11 март көнне Шәмәрдән мәдәният йорты хезмәткәрләре Шәмәрдән мәдәният йорты каршында эшләп килүче «Тулган ай» фольклор коллективы белән берлектә «Балкыш» социаль-тернәкләндерү үзәгендә ял итүчеләр өчен 8 Март Халыкара хатын-кызлар көненә багышланган «Чаба, чабагомер аты...» концерты оештырдылар. Концерт «Шәмәрдән» җыры белән башланып китте. Концерт программасы бай һәм күптөрле иде. Концертта катнашучылар башкаруында традицион халык җырлары да, гармунга көйләнгән җырлар да, барысының да күңеленә хуш килгән заманча композицияләр дә яңгырады. Тамашачылар таныш көйләргә рәхәтләнеп җырладылар һәм башкаручыларга алкышлар белән ярдәм иттеләр. Тамашачылар барлык катнашучыларга да ярдәмнәре һәм актив катнашулары өчен рәхмәт белдерделәр.