«Навечно в памяти людской» мәгълүмат сәгате

17 декабрь көнне Эзмә мәдәният йортында мәдәният хезмәткәрләре профсоюзының Яңа ел бәйрәме булып узды. Яңа ел чарасы Эзмә авыл җирлеге мәдәният хезмәткәрләре оештырган тамаша белән башланып китте. Анда шулай ук Нырты, Сатыш, Шытсу һәм Курсабаш авыл җирлекләре мәдәният хезмәткәрләре дә катнашты. Тамашалар концерт номерлары белән чиратлашып барды.  

16 декабрь көнне Шәмәрдән мәдәният йортында ШЛПУМГның 50 еллыгына багышланган «Полвека на высоте» юбилей кичәсе булып узды. Чара оешма хезмәткәрләре әзерләгән театральләштерелгән сәхнәдән башланды. Саба муниципаль районы башлыгы Р.Н.Миңнеханов, «Газпром трансгаз Казан» генераль директоры Р.Р.Усманов кичәнең мактаулы кунаклары булдылар, алар котлауларга кушылдылар. Юбилейга ветераннар, ШЛПУМГ хезмәткәрләре, шулай ук башка дәрәҗәле кунаклар чакырылган иде. Чара барышында коллективка чын күңелдән рәхмәт сүзләре һәм җылы котлаулар яңгырады. Истәлекле дата уңаеннан иң яхшы хезмәткәрләргә грамота һәм дипломнар тапшырылды. Тантана бай концерт программасы белән үрелеп барды, атмосферага бәйрәмлелек өстәде. Кичә ШЛПУМГның озак еллар дәвамында уңышлы эшләвен һәм район алдындагы казанышларын раслады.

13 декабрь көнне Эзмә мәдәният йортында яшүсмерләр белән «Кайдан бәла килә»дип исемләнгән Гражданнар оборонасы буенча әңгәмә үтте. Балалар белән күп нәрсәләр, урамдагы куркынычлар, террорчылык төрләре, бәладән ничек сакланырга икәнлеге турында сөйләштеләр. Җинаятьләр кылып, террорчылар хастаханәләр, мәктәпләр, торак йортлар, театрлар, концерт мәйданчыклары, базарлар, җәмәгать транспорты кебек үзләре өчен куркынычсыз урыннарны сайлыйлар. Алар кисәтүсез, бәйрәмнәр, спорт һәм башка массакүләм чаралар вакытында терактлар ясыйлар. Бәла теләсә кайсы вакытта килергә мөмкин, һәм теләсә нинди көтелмәгән хәлләргә әзер булу, шулай ук берләшә һәм бер-береңә ярдәм итә белү мөһим

Ел саен 12 декабрьдә илебездә Конституция көне билгеләп үтелә. Россия Федерациясе Конституциясе - илебезнең һәр гражданы белергә тиешле закон. Конституциячел нормаларны аңлау һәм аларны куллана белү җәмгыять тормышын гадел итә һәм безнең хокукларыбызны яклауны тәэмин итә. Конституция югары юридик көчкә ия һәм илнең бөтен территориясендә кулланыла. Конституция көнендә Олы Нырты авыл китапханәсе һәм Чәбия-Чурчи авыл клубы мөдирләре «Илнең төп законы» дигән тематик сәгать үткәрделәр. Чарада илебез гражданнарының хокуклары һәм бурычлары турында фикер алыштылар. Катнашучылар «Конституция турында без нәрсә беләбез?» интеллектуаль уены барышында Россия Федерациясенең Конституцион төзелеше нигезләре турындагы белемнәрен яңарттылар.