5 августта Халыкара светофор көне билгеләп үтелә. Бу көнне ерак 1914 елда мөһим вакыйга була: Кливленд шәһәрендә Хәзерге светофорның беренче элгәрчесе пәйда була. Шәмәрдән мәдәният йорты белгечләре «Теремәк» балалар бакчасы балалары өчен «У светофора нет каникул...» дигән танып-белү сәгате үткәрделәр. Чара башында укучыларга светофор тарихы, юл билгеләре, юлларда үз-үзеңне тоту кагыйдәләре турында сөйләделәр. Чара барышында яшь җәяүлеләр юл хәрәкәте кагыйдәләрен кабатладылар, юл билгеләре турындагы табышмакларны чиштеләр, төрле конкурсларда катнаштылар. Алган белемнәрен балалар «Четвертый лишний» интерактив уены вакытында ныгыттылар.