Бөек Рамазан ае көннәрен файдалы үткәрү максатыннан 13 март көнне Эзмә мәдәният йортында "Диндә бөтен сорауга да җәвап бар"дип аталган мәгълүмат сәгате узды. Чарага Мөдәррис хәзрәт Гыймранов чакырылган иде. Катнашучылар үзләренең кызыксынган сорауларын бирделәр, аларга канәгатьләнерлек җаваплар алдылар. Мондый дини очрашулар кешене игелек һәм гаделлек юлына юнәлдерүче принциплар җыелмасын үз эченә ала. Алар безне бер-беребезгә карата игелекле булырга, көчсезләр һәм мохтаҗлар турында кайгыртырга рухландыра, шәфкатьлелек һәм кызгану кыйммәтен тәрбияли.

 Быел илебез Бөек Ватан сугышында Җиңүнең 80 еллык юбилеен билгеләп үтәчәк. Җиңү совет халкына кыйммәткә төште. Шуңа күрә Россия гражданнарының, бигрәк тә яшь буынның, үз илебез тарихын өйрәнүе һәм төрле вакытта Ватаныбызны саклаган геройлар истәлеген саклавы бик мөһим.  Тенеки авыл клубында Бөек Ватан сугышында Җиңүнең 80 еллыгына багышланган тематик почмак ясалды. Бу почмак әлеге истәлекле датаның мөһимлеген искә төшерү, халкыбызның героик үткәне турындагы истәлекне саклау һәм үсеп килүче буында тарихка хөрмәт тәрбияләү өчен булдырылган. Анда Бөек Ватан сугышы сәбәпләре, төп этаплар, 9 Май бәйрәме һәм әлеге дата белән бәйле төп символлар турында мәгълүмат бирелгән.  Шулай ук почмакта фотогалерея һәм Бөек Ватан сугышы якташлары, Әфган һәм Чечен сугышлары, СВО катнашучысы турында мәгълүмат урнаштырылган. Хәтерлибез, кайгырабыз, горурланабыз, хөрмәт итәбез! / почмак тулылана/

12 март көнне Кече Шыңар мәдәният йортында китапханәче белән берлектә «Ак калфак» клубы әгъзалары өчен дини кичә үткәрелде. Рухи һәм гореф – гадәтләр белән тулыланган чара изге Рамазан аенда көндезге уразаның бетүен күрсәтүче кичке аш Ифтары белән дәвам итте. Кичә Изге Коръәнне ачучы "Әл-Фатиха" сүрәсен укудан башланды.. Аннары чарада катнашучылар (вәгазь), «Әл-Фатиха " сүрәсенең әһәмияте турында лекция тыңладылар, уртак намаздан соң Рухият турында әңгәмә, ислам традицияләре турында сөйләүләрне дәвам иттеләр. «Ак калфак» клубында катнашучыларның ИМАН, МӘХӘББӘТ һәм шәфкатьлелек турындагы чыгышлар кичәгә аерым бер мохит өстәде. дини кичә һәм аннан соңгы ифтар мәҗлесе иманны һәм рухи кыйммәтләрне ныгыту өчен генә түгел, ә аралашу, тәҗрибә уртаклашу һәм бер-береңә ярдәм итү өчен дә менә дигән сәбәп булды.

12 март көнне Шәмәрдән мәдәният йорты хезмәткәрләре, үзешчәннәр белән берлектә, «Балкыш» социаль-тернәкләндерү үзәгендә ял итүчеләр өчен «Гомерләр кайтавазы» концерты оештырдылар. Концерт программасы бай һәм күптөрле иде. Концертта катнашучылар башкаруында традицион халык җырлары да, заманча композицияләр дә яңгырады. Тамашачылар таныш көйләргә рәхәтләнеп җырладылар һәм башкаручыларга алкышлар белән ярдәм иттеләр. Тамашачылар барлык катнашучыларга ярдәмнәре һәм актив катнашулары өчен рәхмәт белдерделәр.