Сәламәтлеккә 100 киңәш» - әңгәмә

13 ноябрь көнне Шәмәрдәнмәдәният йортында “Тарихта без эзлебез” Республика шәҗәрә конкурсының район туры үтте. Түбән Шытсу авыл җирлеген 930 кешелек 8 буынны берләштергән Нигъматҗан нәселе тәкъдим итте. Ңюри һәм тамашачылар гаилә ядкәрләре, шәҗәрә агачы, тарихи материаллар, ризыклар, кул эшләре белән таныштылар. Ә сәхнәдә театральләштерелгән күренеш һәм музыкаль номерларда гаилә династияләре, гореф-гадәтләре, эшчәнлекләре, хезмәтләре турында сөйләнде. Гаилә диплом һәм истәлекле бүләкләр белән бүләкләнде. 

14 ноябрь көнне Шәмәрдән мәдәният йорты белгечләре Бөтендөнья Игелек көненә багышланган «Сердце добра» хәйрия акциясе үткәрделәр. Чара башында балалар белән «Твори добро» стенагазетасы төзелде. Аннары акция Шәмәрдән урамнарында дәвам итте. Үтеп баручыларга мини-викторина сораулары тәкъдим ителде, аларда һәр кешенең күпкә яхшырак дөнья булдыруга үз өлешен кертә алуы турында мәгълүмат бар иде. Акция социаль челтәрләрдә фикер алышу өчен сәбәп булды, халыкны игелекле эшләргә рухландырды. Шәмәрдән урамнарындагы атмосфера уңай һәм дустанә булды.

13 ноябрь көнне Шәмәрдән мәдәният йортында «Эхо веков в истории семьи – Тарихта без эзлебез» республика Шәҗәрә конкурсының зона туры узды. Конкурсның максаты-милли мәдәниятне, шәҗәрә традицияләрен торгызу һәм үстерү, рухи мирасны яшь буын вәкилләренә тапшыру. Бәйгене җырчы Алия Исрафилова ачып җибәрде. Фестивальдә түбәндәге гаиләләр катнашты: Олы Шыңар авылыннан Хаҗиевлар, Сатыш авылыннан Мөхәммәтгатауллиннар, Мишә авылыннан Хәсбиевлар, Иске Икширмә авылыннан Мостафиннар, Мичән авылыннан Сабирҗановлар, Олы Нырты авылыннан Агләмҗановлар, Олы Кибәче авылыннан Исмәгыйлевлар, Түбән Шытсу авылыннан Нигъмәтҗановлар, Тимершик авылыннан Хаҗиевлар, Шикше авылыннан Мөхәммәтҗановлар. Конкурсны ачу өчен архив эше буенча ТР Дәүләт комитеты рәисе урынбасары Илдарханова-Балчиклы Гүзәл Илдус кызы чыгыш ясады. Жюри составында Казаннан чакырылган кунаклар бар иде: социология фәннәре докторы – Дәүләтшина Д.М., «хореография сәнгате» әзерлек юнәлеше вәкиле - Мөхәммәдшева А.О., «халык җырлау сәнгате» әзерлек юнәлеше вәкиле Абашев А.А. Мәдәният йортының спорт залында һәр гаилә күргәзмә оештырды, анда шәҗәрәнең тарихи фактлары күрсәтелде һәм сөйләнелде. Аннары сәхнәдә гаилә командалары чыгышлары, Шәҗәрә презентацияләре күрсәтелде. Жюри йомгак ясаганда, Шәмәрдән мәдәният йорты хезмәткәрләре зур булмаган концерт программасы оештырды. «Эхо веков в истории семьи – Тарихта без эзлебез» республика Шәҗәрә конкурсының зона турында Шикше авылыннан Мөхәммәтҗановлар гаиләсе җиңү яулады. Конкурс ахырында рәхмәт һәм бүләкләү сүзләре белән Саба муниципаль районы башкарма комитеты җитәкчесенең инвестицион үсеш һәм эшкуарлыкка ярдәм итү буенча урынбасары - инвестицион үсеш һәм эшкуарлыкка ярдәм итү бүлеге җитәкчесе И.И.Котдусов чыгыш ясады.

13 ноябрь көнне Шәмәрдән мәдәният йорты каршындагы «Тулган ай» фольклор коллективы Лесхоз өлкәннәр һәм инвалидлар интернат-йортында «Бәхеткә атла» дигән хәйрия концерты оештырды. Коллективта катнашучылар бик матур музыкаль номерлар бүләк иттеләр. Югары Отар балалар интернат-йортында тәрбияләнүчеләр Колегаев Р.С., Андреев И.А. үзләренең җырлары һәм шигырьләре белән тамашачыларны сөендерделәр. Бу интернат-йортта яшәүчеләр өчен заманча җырлар дөньясына чуму өчен менә дигән мөмкинлек иде. Мондый типтагы вакыйгалар көндәлек тормышны төрлеләндерергә һәм ярдәм һәм игътибар кирәк булган кешеләр өчен аерым кәеф тудырырга ярдәм итә.