ЯҢАЛЫКЛАР
Юлда очраган гадэти генэ булган эйберлэрне дэ беркайчан да кулга алырга ярамый. Чынлыкта бу эйберлэр кеше тормышына куркыныч тудырырга момкин. Андый предметлар транспортта, кеше куп йори торган урыннарда, учреждениеларда булырга момкин. 17 апрель конне Елыш авыл клубында балалар белэн "Сез шикле предмет таптыгыз?", дип исемлэнгэн профилактик энгэмэ уздырылды. Мондый очракта узенне ничек тотарга, предметка кагылмаска, тиз арада зурларга хэбэр итэргэ кирэк икэнлеге анлатылды. Стенд ярдэмендэ балалар бу теманын барлык узенчэлеклэрен дэ узлэштерделэр.
12 апрель көнендә галәм көне билгеләп үтелә. Әлеге көн кешенең беренче тапкыр галәмгә очуына багышланган. 12 апрель көнне Елыш авыл клубында "Космонавт булыр өчен бик күп белергә кирәк" дигән исем астында балалар белән викторина уены уздырылды. Балалар серле галәм иленә сәяхәт ясадылар, кызыклы сорауларга җаваплар таптылар. Викторина сораулары аша үзләренә бик күп белем тупладылар. Соңыннан "Галәм сүзлеге", "Йолдызлар букеты" кебек кызыклы конкурсларда катнаштылар.
11 апрель көнне Елыш авыл клубында балалар белән Космонавтика көне уңаеннан "Галәм рәсемнәре" дип исемләнгән рәсем конкурсы уздырылды. Җир йөзендә барлык кешеләр дә бер кук йөзе астында яшиләр. Апрель аенда космос көнендә балалар барлык галәмне кәгазь битләренә чагылдырырга теләп бик кызыклы рәсемнәр ясадылар. Рәсемнәр бик матур килеп чыктылар. Һәрбер рәсем үзенчәлекле булып, бер-берсеннән аерылып тора иделәр.
Чигү - иң киң таралган кул эшләренең берсе булып тора. Аның тарихы ерак гасырларга барып тоташа. Чигү белән элек-электән хатын-кызлар шөгыльләнгән. Киемнәрне, өйләрне чигеп бизәгәннәр, чигү эшләре бизәп кенә калмаган. Халык ышанулары буенча - ул кешегә бәхет китерә, төрле золымнардан саклап кала дигән фикерләр дә йөргән. Милли мәдәният һәм гореф-гадәтләр елы уңаеннан 9 апрель көнне Елыш авыл клубында "Чигү - кул хезмәтенең могҗизасы", дип исемләнгән мастер-класс уздырылды. Клуб мөдире балаларга чигүнең тарихи юлын сөйләп узды, балалар рус һәм татар бизәкләренең аермаларын таптылар. Аннары чигү буенча мастер-класс күрсәтелде. Балалар зур ихтибар белән тыңладылар.
Уен-балаларның һәрберсенең төп шөгыле.Балалар буш вакытларында уйнарга яраталар,конкурслы уеннарда ярышып үзләренә көч туплыйлар.8 апрель конне Елыш авыл клубында балалар белән"Бергә күңелле"-дип исемләнгән кызыклы уеннар программасы уздырылды.Балалар бергәләшеп дус-тату уйнап үзләрен җитезлектә,тапкырлыкта сынадылар.Соңыннан барлык катнашучыларга баллы призлар таратылды.
Милли мәдәният һәм гореф-гадәтләр елы уңаеннан 5 апрель көнне Елыш авыл клубында балалар белән "Әби сөлгесенең серләре" дип исемләнгән танып белү программасы уздырылды. Халкыбызның милли хәзинәсе үсеп килүче буынга үткәннәрне оныттырмаска ярдәм итә. Аларда өлкән буынның яшәеше, тормышы, көн куреше чагыла. "Үткәнен белмәгәннең киләчәге юк" диләр халык мәкалендә. Чиккән сөлгеләрнең өлгесе гаҗәеп соклану тудыра, бу бит әби-бабаларыбызның кул хезмәте. Кичә барышында балалар һәр сөлгенең аерым бизәкләрен ихтибар белән карап сокландылар, фикер алыштылар.
Ял кичәсе ул - җыелган дуслар белән вакытны кызыклы уеннар уйнап уздыру. 2 апрель көнне Елыш авыл клубында "Чын күңелдән көләбез" дип исемләнгән балалар белән куңелле ял кичәсе уздырылды. Бәйрәм тагын да куңеллерәк булсын өчен балаларга кунакка клоун килде. Бәйрәм барышында кызыклы уеннар, җыр-бию тынмады, балаларның чыр-чу килеп уйнавыннан клуб гөрләп торды. Кичәдән һәрбер катнашучы күңел күтәренкелеге алып, мондый ял кичәләрен киләчәктә дә дәвамлы булуын теләп таралышты.
1 апрель көлке көне уңаеннан Елыш авыл клубында "Көлке патшалыгында" дип исемләнгән куңел ачу викторинасы уздырылды. Көлке көнен бөтен дөньяда билгеләп үтәләр. Дуслар яки танышлар бер-берсен шаяртып алдалыйлар, дусларча елмаю безнең күңелләребезгә витамин кебек урнаша. Балалар чын күңелдән көлке викторинасы программасына катнашып җаваплар бирделәр һәм күңел күтәренкелеге белән таралыштылар.
30 март көнне Елыш авыл клубында "Синең ход" дип исемләнгән шашка, шахмат уеннары үткәрелде. Шашка, шахмат уеннары үзара аралашу һәм дуслашу өчен дә бик файдалы уен. Бу уеннар балаларның хәтерләрен арттыра, сизгерлекне көчәйтә, башны эшләтергә булыша. Шахмат - сабыр кешеләр уены. Һәрбер йөреш уйлап эшләнмәсә отылырга мөмкинсең. Шуңа күрә һәркем зур тырышлык белән үзен сынады. Әлеге өстәл уеннарын барысы да яратып уйнадылар.
17 март Елыш авыл клубында халыкара җир көне уңаеннан "Җир безнең уртак йортыбыз", - дип исемләнгән мәгълүмәт сәгате үткәрелде. Мероприятие барышында балалар экологик проблемалар: су һэм һаваның пычрануы, урманнарнын әзәюе, үсемлекләр һәм җанварларның кимүе, юкка чыгуы турында белделәр. "Җир синеке дә, минеке дә" дип исемләнгән экологик уен викторина балаларга җир шары буйлап сәяхәт итәргә ярдәм итте. Балалар бу сәяхәттә бик теләп катнаштылар.